?

Log in

No account? Create an account
Previous Entry Share Next Entry
Исторія Подкарпатскоѣ Руси для народа
šaman
ishc
Когда я заказывал эту книгу — «Исторія Подкарпатскоѣ Руси для народа» (составив: о. Ириней Мих. Кондратович, парох Хоньковский), 1925 р. в Ужгородѣ — ни в малейшей степени не подозревал, что меня ждёт. Год и место издания обещали очень интересный материал, но вышло даже ещё любопытнее, чем мог представить. Книжка оказалась вовсе даже на русинском языке [1], записана в максимовичевке [2], а история — историей русинов, во многом трагической и непростой. Главы, посвящённые новой и новейшей истории По̂дкарпатскоѣ Руси, живо перекликаются с современностью, и я решил переписать их здесь. Переводить на русский не буду, и так всё понятно. Необходимые лишь пояснения: 1. читается максимовичевка немного не так, как того ожидать можно, однако для понимания это не важно; 2. «руській» — это русинский, а вот Россія — это именно Россия; 3. текст дан с воспроизведением опечаток, без искажений.

В тексте затрагивается история и России, и Украины, и Чехии. Первой выложу далеко не первую в книге главу «Свѣтова война. Революція. Народнѣ Рады. „Руська Краина“». Следом пойдёт «Америцкѣ Русины за свободу По̂дкарпатскоѣ Руси. Большевицка „Руська Краина“. Губернаторы Брейха и Жаткович». Всю книгу перепечатать вряд ли хватит терпения, потому ограничусь только последними главами.




1. Свѣтова война. Революція. Народнѣ Рады. „Руська Краина“.

Дня 29. юнія 1914 рока наслѣдник австро-угорского трону Франц Фердинанд и єго жена были убитѣ в Сараєвѣ. Се убійство зробили нѣсколько розгорченѣ Сербы про то, бо ненавидѣли Австро-Угорщину и королѣвскій ро̂д Габсбурго̂в.

По убійствѣ у один мѣсяць австро-угорскій министер заграничных дѣл послав сербскому правительству острый припис (ultimatum), в которо̂м то твердив, що сараевске убійство сталося за вѣдомостею сербского правительства.

Дармо борөнилося сербское правительство. Австро-Угорщина посмѣлена нѣмецким цѣсарем Вилгелмом выповѣла Сербам войну. Россія, Франція и Англія видѣли, що напад на Сербію єсть лиш нагодою до великоѣ войны. Они соєдинилися против Германіѣ и Австро-Угорщины.

На боєво̂м полю щастя приключилося к нѣмецкими и австро-угорським войскам. Коли король Франц Іосиф I. 21. новембра 1916 р. умер, Сербія, Черногорія, Румунія и Италія цѣлком были заятѣ нѣмецким, австро-угорським и болгарским войском. Россія же утратила цѣлу Польщу. Лиш на западѣ противостала сильно Нѣмцям Франція и Англія.

В яри 1917 рока в Россіи выбухла революція. Царь Николай II. зложенный быв из престола и по̂вроком позднѣйше Ленин и Троцkій стали панами цѣлоѣ Россіѣ. Они заключили мир з Нѣмеччиною и Австро-Угорщиною в Берестю Литовско̂м, в часѣ котрого одлучилася Украина од Россіѣ и стала самостойною державою. Так видѣлося, що Нѣмеччина побѣдить и на западѣ, а малѣ народности и на дале остануть по̂д гнетом Австро-Угорщины.

По̂д час войны руськоє духовенство было по̂д старанным полицайным дозорем. З початку войны из наших двох єпархій было бо̂льше, як 100 духовнико̂в арестовано и половина сих до ко̂нця войны интернована была по угорско̂й дөльно̂й земли в Сегединѣ, Кечкемейтѣ, Цеглейдѣ и за Дунаєм в Печусѣ. Цѣла наша По̂дкарпатска Русь стала мѣстом войны, за довгій час улегло нам чужоє войско наши горы-долины и мы не мали мѣста на нашо̂й отцовщинѣ. Села наши огнем палилися, маєток наш розсыпався и многѣ из наших простых селян мученическою смертію свѣдчили за свою русько̂сть.

Одинока наша руська газета „Наука“ заказана была и лиш по̂д назвою „Село“ могла явитися.

Угорськоє правительство, щобы выкоренити русько̂сть и симпатію к Россіи, розказало завести новый (григоріянскій) какендарь и стерти руське кириличне письмо.

И прийшов конець страданям. Довга война вычерпала силы Австро-Угорщины а Нѣмеччины и 31 октобра выбухла мадярска безкровна революція. Король Кароль IV. здяковав из королѣвского престола и найвысша державна власть перейшла в руки мадярскоѣ „Народноѣ Рады“ (Nemzeti Tanács). Замѣсть королѣвства настала демократична народна република по̂д управлѣнєм графа Михаила Каролѣя.

Австро-Угорска монархія розвалилася и кождый народ основав свою державу. Югославяне приключилися до Сербіѣ и утворили Югославію, Поляки утворили Польщу, Украинцѣ в Галичинѣ — Захо̂дно-Украинску републику а Чехи из Словаками Чегословакію. Дня 28 окт. ческій „Народный выбор“ выповѣв, що перебере власть над ческими землями. Дня 14. новембра зыйшлося в Празѣ первоє „Československé Narodné Shromaždeňe“ (Ческословенскій Народный Сойм) и выголосило самостойну ческословенску републику и за первого президента выбрало Өому Масариkа.

Новоє мадярскоє правительство обѣцяло народностям найширшѣ права. Министер заграничных дѣл Осkар Ясій зачав переговоры з Словаками и Румунами, но сѣ не мали довѣря к ново̂й владѣ.

На По̂дкарпатско̂й Руси в мѣсяци новембрѣ зорганизовалися три Народнѣ Рады. Перва была Любовнянсkа Рада (организатор Ємиліян Невицкій, уяцкій духовник), котра позднѣйше соєдинилася з Пряшевсkою Радою (Бескиды), на востоцѣ соорганизовалася Густсkа Рада (Бращайки) и Ужгородсkа Рада (предсѣдатель д-р Симеон Сабов).

Любовнянска и Густска Рада глядали украинску оріентацію, Пряшо̂вска Рада приспособилася к фактам (западну руську територію засѣли ческо-словенскѣ воєннѣ силы) а Ужгородска Рада єще ждала на слѣдуючѣ выпадки у дуже скромно лиш то жадала, щобы до руських комитато̂в назначенѣ были руськѣ наджупаны, абы до шко̂л быв заведеный руській язык и щобы на будапештско̂м университетѣ заложилася руська катедра.

Сѣ жаданя мадярскоє правительство исповнило. Выименованѣ были д-р Орест Сабов ужанскмм, д-р Николай Кутка бережским, д-р Ємиліян Зомборій марамарошским жупаном. По̂зднѣйше Орест Сабов стався державным комисарем для угорских Русино̂в, а за ужанского жупана назначенный быв Павел Легеза.

В мѣсяци децембрѣ в Будапештѣ было руськоє краинскоє собраніє, де Русины голосили довѣріє ново̂й демократично̂й владѣ. Однѣ Бращайки (з членами Густскоѣ рады: Петр Долинай, Гайович, Клочурак и другѣ) протестовали.

Дня 26 децембра выголошеный быв X. народный заkон о „Руськой Краинѣ“. Русинам далася автономія, кромѣ воєнных дѣл. Чотыри руськѣ жупы (Уг, Берег, Угоча, Мараморош без границь!) достали руського губернатора Августина Штефана з сѣдлом в Мукачевѣ. В Будапештѣ соорганизовалася „Руська Краинска Министерія“ на чолѣ з министром Орестом Сабовом. Ся автономія была лиш на паперѣ, бо Мадяры в дѣйстности не хотѣли выдати власти (imperium) до рук руського министра. Наслѣдком сему было, що 21 януара на Густско̂м русько̂м собраню Русины явно одорвалися од Угорщины и глядали злуки з Украиною.

Єщё 1. януара 1919 рока, коли чути было, що нашу По̂дкарпатску Русь до ужанскоѣ рѣки од запада ческословенскоє а од востока румынскоє войско обсяде, одна руська депутація (Августин Волошин, Павел Легеза, Ириней Кондратович) явилася у будапештянского ческословенского повѣренника Милана Годжи, щобы побесѣдовали о подробностях занятя Подк. Руси Чехами и щобы протестовала против румунскоѣ окупаціѣ. Дня 12. януара прийшли першѣ ческѣ легіонеры до Ужгорода, а румуны засѣли По̂дкарпатску Русь до Сигота.


[1] http://ru.wikipedia.org/wiki/Русинский_язык
[2] http://ru.wikipedia.org/wiki/Максимовичевка


  • 1
Слушай, так читать прикольно! Спасибо :)

пожалуйста :)

Скажи, у тебя циркумфлексы в этом тексте нормально видны, перевёрнутую галочку над этой «о̂» видишь?

Гут. А то ондроед у меня внезапно отказался показывать комбинированные циркумфлексы (это когда букву пишешь отдельно, а галку сверху ставишь отдельно, а я так и пишу, так проще), потому и переживал.

не вистачає слова

«Дня 28. окт. ческій „Народный выбор“ выповѣв, що перебере власть над ческими землями. 30. октобра в ...»
перегортаю
«...св. Мартинѣ словацка „Народна Рада“ выголосила, що Словенко соєдиниться з ческими землями. Дня 14. новембра зыйшлося в Празѣ первое „Československé Narodné Shromaždeňe“(Ческословенскій Народный Сойм) и выголосило самостойну ческословенску републику и за первого президента выбрало Ѳому Масарика.»

Що у Вашому примірнику на сторінці 105-й?

  • 1